GUNTRANUS

GUNTRANUS

fil. Clotarii I. Aurelian. Biturigum et Burgundiae Regis sedem Cabillone habuit. Venerandae ancillae amores sectatus, Marcatrudem, filiam, Ducis Magnacarii, quae huius filium veneno sustulerat, repudiavit, ancillâ alterâ Auftregildâ, cogn. Bobilâ, superinductâ. Longobardos primum contra Patritium Amarum victores, per Mummolium, superavit. Chilperico iunctus, contra Sigebertum: Leuvigildo Gothorum in Aquitania Rege in feliciter bellum intulit. Post Obitum Chilperici, filii eius tutor, Gundebaldum bello occidit, nepotum acer defensor. Tandem Childeberto plane cessit, iustitiae et Boni publici amans. Interim meticulosus, suspicax, inconstans, et adulatoribus iraequeve obnoxius habitus est. Obiit, A. C. 594. Gregor. Turon. Aimonius, Tilletus, Mezeraius, etc.